大師姐白如雪
教風水呼形喝象的祿馬交馳格

首頁

        我地研究風水，係講究形勢配合，而匡正大師兄好多時講既風水，都幾深下，例如甚麼「分金淺一度深一度」，有時都唔容易聽明。而白如雪大師姐就唔同，佢講既風水好多時都好淺下，仲好有趣味添。

        我跟師傅學睇風水，佢話巒頭陰宅風水既呼形喝象，必須環境相配，龍穴砂水都合格，先可以呼形喝象。大師姐早排都講過一個呼形喝象既例，但唔係陰宅巒頭，而係陽宅形勢。

        話說最近我請大師兄同埋大師姐食飯果間酒樓，我同店長都算係熟熟地，有兩句偈傾下咁。店長問我：「你好識得風水喎！可唔可以幫下手，教我酒樓擺d乜野，可以旺下風水呢？」

        有大師兄同大師姐係度，幾時輪到我丫，我梗係要介紹一下，所以就同佢講：「呢位係我大師兄，呢位係我大師姐，睇下佢地肯唔肯醒你，肯你就好彩啦！」

        部長笑騎騎同大師兄佢地講：「大師，可唔可以教我擺個風水陣，等我間舖旺d呀！」我見到大師兄同大師姐打個眼色，叫大師姐攪掂。大師姐覆店長話：「你係近門口既左手邊放一只鹿，右手邊放一只馬。玉石做又得，瓷器做既都得。用黎做風水用品。」

        可能我孤陋寡聞，當個店長行開左，我就問大師姐：「呢d係乜野風水﹖係乜野陣法﹖我好似未學過。」大師姐係度笑：「師傅教果d好深架，呢d風水 擺設，師傅都曾經講過，但佢嫌呢d太江湖，所以唔用。

        呢個係祿馬交馳格，屬於呼形喝象既一種，係用黎旺財既。你唔好同師傅講，話我教人放呢d野，因為呢d風水陣，都無配合風水理氣既衰旺生死，始終唔係風水正宗。」

風水玄學權威白鶴鳴弟子　方中圓
        本文刊載日期2017年2月28日

訂購風水用品專頁